الشريف_أحمدعبدالدايم الدنيا صبحت غش في غش سامحني يا خالي بقولها وش علشان تلاقي الحُرٍّ فيها تبحث عن أبرة في كوم قش كتير تلاقي فيها الشين رسمها الطيبة واحنا ماشين كيف تجني الخير منه في الأصل واطي وبوشين وإن كنت بعامله بالحسنى قلت فيه نكسب حسنة بين الناس بيقول ويقول على إللي يوطي نفوسنا وكنت ليه الخير ساقي دة لسة ليها باقي وباقي ما احنا في زمان مالوش أمان تعمل خير شر تلاقي في داهية خاطرك يالعشمان يالــ بتبحث عالصُحبة قول للزمان ارجع يا زمان يما ناس كتير ملهاش قيمة ما تقلعهاش فردة قديمة ما معاهم غير قلنا وقالوا جر الفتن والنميمة واحنا على الدنيا العيب بنجيب وحال الناس أصبح عجيب ما احنا في زمان ملوش أمان من الغزالة أحذر ياديب انظر بعينك بص وشوف دى حكايه عامة وعالمكشوف وإذا كان يا خالي قلبك خالي أصبر لبكره وياما تشوف
