سلوى البرشومى من اول السطر نكتب بسم الله أتعلمناها في أول حصة لأجل البركة تزيد والشيطان يسكن بعيد والهدوء والسكينة يبقو سر الحياة يلا بقي نكتبها ونتوكل على الله التوكل نعمة بتخلي الشيطان يعمي وتخلينا في أمان طول ماأحنا راضين بالقسمة والنصيب حتتساوي وبكرة حنشوفة احلي الخير سعتها حيعم على الكل بالتراضي خد نصيبك هو رزقك مش رزق غيرك حتلاقية بيكبر يوم بعد يوم حكاياتك حتبقى قصة جميلة ماأنت طيب مش شرير وراضي بالقسمة والنصيب مهما تعمل ماحدش بياخد غير نصيبة قالتهالي زمان أمي الحبيبة ماتصارعش علشان تعيش بالاصول تاخد نصيبك وخلي اللي ياخد ياخد حيجيلة يوم حيسيب كل حاجة ومش حياخد منها حاجة زية زي غيرة حفنة تراب تغطية يبقى أية فايدة الطمع والصراع مجاش منة غير الفراق والندم الشيطان شاطر والشاطر اللي يهزمة فلوس الدنيا ماتساوى في لحظة تعرف فيها الحقيقة أخوك واختك ووولاد العم والخال دول كلهم كنز ماتشترية بالمال راجع دفاترك وأعمل لبكرة مليون حساب حسناتك حتزيد والجنة للي بيخاف من الإله
