سلمى غريب عن أزمة أحمد السقا ومها أحمد: لو السقا رد كنت هكرهم هما الاتنين

سحر عوض

علقت الفنانة سملى غريب، على أزمة الفنانة مها أحمد مع الفنان أحمد السقا، بجانب الحديث عن دور نقابة المهن التمثيلية في تشغيل الفنانين.

وقالت سلمى غريب، في لقائها مع الإعلامية إنجي هشام، في برنامج “المنسي” المذاع عبر شاشة قناة “هي”: زعلت طبعًا جدًا، وأحمد السقا وأحمد مجدي عشرة عمر، فأي كان ما يحدث ده اللي بكرهه في السوشيال ميديا، ولكن نتخانق مع بعض في وشنا، واللي عجبني أن أحمد السقا مردش، ولو كان رد كنت كرهت الاتنين وخلصوا من حياتي، ومها أحمد ليها مشكلة مع حد تاني وهما مش عشرة هما حرين بقى يعلموا اللي هما عايزينه.

وعن دور النقابة في تشغيل الفنانين، فقالت سلمى غريب: أنا متعودش أني أكلم حد وأقوله شغلني، حتى لو مش لاقية أكل أنا بتكسف جدًا، والنقابات مالهاش علاقة بتشغيل الفنانين، ولكن أنا لو شُفت حد مش شغال بكلم دكتور أشرف زكي، وأقوله فلان قاعد ومش معاه فلوس وعنده ولاد وبيت اتصرف وشغله، وأنا بعتبر أن ده مش حاجة لطيفة.

وأضافت: أنا كنت طول الوقت برشح زملائي للأعمال الفنية، وإحنا عددنا مش كبير خالص، والنقابة دلوقتي ليها دور إنها تساعدنا نشتغل، ودكتور أشرف يقوم قومة جامدة، أه مش هيمشي ورا الناس ويقولهم شغلوهم.

واستكملت: أنا بحب الشغلانة دي بجد وحاولت أعمل حاجة غيرها معرفتش، وكان نفسي أفضل في مشواري اللي بداية رجوعه من الثورة، وكان نفسي أكمل وأجري يزيد كل سنة، وأني أحقق اللي نفسي فيه.

وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.

https://www.youtube.com/watch?v=lEw7Ed1JxcY