رامز جلال يسخر من كزبرة وحمو بيكا في رامز جاب من الآخر

علياء عبده 

حل مطربا المهرجانات حمو بيكا وكزبرة، ضيوفا على برنامج رامز جاب من الآخر في حلقة اليوم، المذاعة عبر شبكة قنوات mbc مصر.

وخلال تقديم رامز للضيفين، قال عنهما: ظهرت طحالب سيطرت على الساحة الموسيقية بيتنافسوا مين بيجعر أكتر من مين، اتنين بيتنافسوا في الابتذال والكلام الرخيص.

ووجه رامز جلال سؤالا لـ حمو بيكا، قائلا: حقيقي إنك هتعمل عملية تدبيس معدة؟، ليرد عليه بيكا: ليه أعمل ده هو الكرش بس، ليرد رامز: أنت مينفعش معاك غير بتر معدة.

بالإضافة إلى سخرية رامز جلال من اسم كزبرة، حيث سأله عن سبب تسميته باسم كزبرة وليس بقدونس، فرد كزبرة مازحا: مش عارف جت صدفة، واسمي الحقيقي كاظم.

واستضاف رامز جلال في حلقة أمس من برنامج رامز جاب من الآخر، كلا من الفنانة باميلا الكيك، والفنانة السورية مرام علي، وتحدثت باميلا عن مشاركتها هذه، وقالت في تصريحات تليفزيونية: حلقتي مع رامز جاب من الآخر هو جاب من الآخر فعلًا، تلقيت مكالمة من منتجة فنية لطيفة جدًا، إني هكون مع رامز في برنامج لذيذ وأنه تاب من المقالب، ومكنتش أعرف مين اللي هيبقى معايا في الحلقة، وكنت بصلي بـ إيديا وقلبي خلال المقلب، وكنت عارفة إني لازم أحمي نفسي، وأحمي مرام علي، كانت كتير خايفة.