بقلم / على حزين الأولى في الغرام دموعي على خدي, أبات الليل صاحي والثانية في العذاب جرحي من ناسي مسيرها تروق يا صاحبي والصعب يعدي والثالثة زرعت خير كتير في ناس ياما بعوني وخانوا ودي وأنا الـ ادتهم حبي وعملتهم أهلي وناسي والرابعة دنيا غرورة وبـ تدي كل واحد وش واطية وخسيسة , وما تساوي ربع قرش تضحكنا وتبكينا وفي الأخر تحشنا حش والـ متغطي بيها عريان ونايم على البُرش والخامسة ارمي حمولك على الـ خلقك تبات نار تصبح رماد, وما تحرق خلقك والسادسة: بنت الأصول في وقت الشدة تبان والسابعة: أنا صابر صبر اجمال والثامنة : من أمنك لم تخونه ولو كنت خوَّان والتاسعة : زرعت خير كتير في ناس ما بان فتحت لهم كل البيبان , وهم ولا ليهم أمان والعاشرة : ما تبكي يا عين على الـ باع وخان, والـ فرط وهان كله سلف ودين , وبكره فيه حساب وميزان **** أنا بقول: الأولى الدنيا غدارة ولا تسوى عقب سيجارة والثانية : طول ما سرك معاك ما تخاف سرك في بير متصان , مستور , ما يبان , ولا بين الخلق يطير ولا يستغله في يوم ندل وجبان والثالثة ربنا كريم, ويكفينا ويكفيك شر أولاد الحرام والرابعة رب العباد على الخلق صبور, ستِّير وحليم والخامسة مسير النار تصبح رماد والسادسة مسير الحي يتلاقى , والحق يبان والسابعة كله سلف ودين , واللي هـ تعمله النهارده تلاقيه بعدين والثامنة الحسن أخو الحسين والتاسعة ياريت نعرف كلنا رايحين على فين والعاشرة آمنت بالله العظيم والنبي الصادق الأمين * أنا بقول : الكلام ما عاد له فايدة مع الـ سد ودانه .. وما منوش فايدة لو كان فيه خير وفايدة لكان نفع أمه, وأبوه نصيحة يا صاحبي وخدها مني أوعى تماشي الندل ولا تقرب منه ولا تناسب الهلفوت ولا تقرب منه وحاسب قبل ما تناسب , دا العرق دساس وإن كنت عاوز تناسب , ناسب اللي ليه أصل وأساس الأصيل خد منه , دا الأصل وناس, خد منه , هـ تعيش سعيد, متهني , ومنه, مش هـ تغني في يوم ظلموه ,
