بقلمي الشاعر محمد عبد العزيز رمضان أيوه بعتي أيوه خنتي أيوه قلتي إنك نسيتي ليه قدرتي تبيعي حبي لا خلاص إنت انتهيتي من حياتي وكل عمري أيوه إنت اللي ابتديتي هقدر أنسى كل حاجة زى ما انت كمان قسيتي أيوه هنسى كل حاجة حلوه بنَّا قلتها هنسى إني يوم عرفتك بعد حبي كرهتها مهما أحاول مش راح أقدر تاني إني أحبها صعب إني أعيش معاها حلمي لا مش حلمها أيوه هقدر إني أبعد أيوه هقدر مش كلام مش هعيش الوهم وأرضي أبقى عايش والسلام ياما جيت على نفسي أيوه بس ملِّيت م الخصام الحياه مش كتر قسوه هجر غدر وطول ملام آه وآه م اللي باعوني كرهوني ف الغرام أيوه فاكر لما شفتك دق قلبي من جديد فجأه حسيت إني طاير في السما فرحان سعيد قلت نفسي معاك أكمل لو بعدتِ هكون وحيد أيوه هبعد وانسى خوفي مش هعيش تاني ف هواك خنت حبي وبعت قلبي ليه تبيع اللي اشتراك مش هكمل يا حبيبي أيوه مش هفضل معاك
