اللى راح ما بيرجع .. خواطر أغاني الأسواني

الشريف_أحمدعبدالدايم

إللي راح معدش يرجع

    بعدما فات الأوان

والزمان موش ممكن يجمع

    حكم القدر بالكتمان

            …..**…..

قولولي الاقي الصبر فين

بعدما كان بين الإيدين

ضاع مني في غمضة عين

       دنيا ملهاش أمان

            …..**…..

أعمل إيه في شوقي وحبي

بعدما أخفيته وهز قلبي

كدا بردو ياقدر تلعب بي

حرام عليك دا انا إنسان

          …..**…..

موش عاوز أقول وأعيد

  مثل عندنا في الصعيد

 ناس تعكر وناس تصيد

وإللي يأمن للزمن غلطان