الشــريف_أحمد؏الدايم إحنا من زمن قرص الطعمية إللي بقرش إحنا من زمن إللي غمسوا رغيف العيش بالمش إحنا إللي أكلنا السمن البلدي قبل ما يتغش إحنا شفنا الزبادي لما كان لها وش إحنا شفنا الأبيض والأسود قبل ما يخترعوا الدش وبعد الساعة ١٢ بالليل تلاقي التليفزيون بيوش إحنا إللي نمنا على المراتب إللي محشية قطن مش قش إحنا إللي عاصرنا لمبة الجاز لما النور يقطع وتحت السرير بنخش وهباب الوابور إللي حش صحة أمهاتنا حش والأم ماسكة الفوطة وعلى الوشوش بتنش إحنا زمن الأخلاق وإحترام الكبير من الخدش وإحنا روحنا مدارسنا كل يوم علي الأقدام والجزمة كوتش وإحنا إللي إتربينا علي الحب مش كل يوم بوش وإحنا إللي إتعلمنا نحترم كبيرنا ونقوم له لما علينا يخش وإحنا إللي احترمنا أستاذنا ومعرفناش يعني إيه غش ما أجمل زمنا قبل ما ياجي علينا ولاد اللذينا نسونا الطيبه والأخلاق وكنا بعيدين عن الرزيلة اللهم احسن خاتمتنا وأولادنا تحميهم من المعاصي والذنوب الثقيلة
